Tuesday, September 17, 2013

எதுகை மோனை


எதுகை மோனை சரியில்லையெனினும் அழகுதான்
உன் தெத்துப்பல்.

Saturday, June 29, 2013

பாட்டி சொல்லாத கதை.


தப்பு பண்ணினா சாமி கண்ண குத்தும்
என சொல்லி கொடுத்த பாட்டி
காதலித்தால், தேவதை
மனசை குத்தும் என சொல்லிகொடுக்கவில்லை.


சாப்பிட்டியா?


எப்படி பசிப்பது அலுத்துப் போகவில்லையோ
அதுபோல்தான் "சாப்பிட்டியா?"  என
 தினமும் நீ கேட்பதும் அலுத்துப்போவதில்லை.. 

Sunday, May 12, 2013

நீ - நான்


உன் பெருவெளியின் சிறுதுளி நான்
என் சிறுதுளியின் பெருவெளி நீ 

Wednesday, May 8, 2013

நீ


கதவை உடைத்து உள்ளே வந்து  களவாடுபவனைக் கேள்விபட்டிருக்கிறேன்.
மொத்தமாய் களவாடிவிட்டு பின்னர் உள்ளே வந்து என்னை
கன்னா  பின்னாவென்று உடைக்கிறாயே
உன்னை யாரென்று சொல்ல?










உலகம் பெரிதுதான்.
இன்னும் என்னால்
உன்னை கடக்க முடியவில்லை. 

வேண்டுதல்



உன் வேண்டுதல்களில்
நான் யாகமாகிறேன்.

Friday, May 3, 2013

முத்தம்.


உன்னுடனான  சண்டைகளில்
நான் வெல்லும்  பரிசுகள்
கடி,
கிள்ளல்,
நகக்கீறல்
இறுதியாய் நிச்சய பரிசாக முத்தம். 

பிரிவு


ஒவ்வொரு நாளும் உனை காணும் வரை
எனை சுட்டுக்கொண்டேயிருக்கும்
முன்தினம் கடைசியாய் பார்த்த பொழுது
"டேய்... போகனுமா?" என்று 
நீ என்மேல் சிந்திய கண்ணீர்த்துளி...

Tuesday, March 26, 2013

நீ



காற்றையும் உருக்கத் தெரிந்தவள்
நீயாகத்தான் இருப்பாய்.
     
            *****

என் ஈற்றடி
உன் இதழடி.

Friday, February 15, 2013

முத்தம்


மூச்சிரைக்கும் நம் பேருரையின்
கடைசி புள்ளியாய்
இந்த முத்தம்... 

Tuesday, February 5, 2013

பூ



இதுவரை பூத்த பூக்களையும்
இனிமேல் பூக்க போகும் பூக்களையும்
ஒன்றாய் சேர்த்தால்கூட உன் போல் வராது..

Monday, January 21, 2013

பொறாமை


எப்படியெல்லாம் அந்த குழந்தையை கொஞ்சுகிறாய்
என்னை கிள்ளியாவது வையேன்... 

Friday, January 18, 2013

மறுபிறவி


"உன்னை கொல்ல போறேன் பாரு"
என்று என்னை கிள்ளி கிள்ளி 
சண்டையிட்டு உயிர்பிக்கிறாய்..

முத்தங்களால் சாகடித்து
 ஸ்பரிசங்களால் உயிர்பிக்கிறாய்..

Wednesday, January 16, 2013

முத்தம்


இதுதான் கடைசி கைப்பிடி சோறு என்று சொல்லி
குழந்தையை சாப்பிடவைப்பதுபோல
உன்னிடம் ஒவ்வொரு முறையும்
இதுதான் கடைசி முத்தம்
என சொல்ல வேண்டியதாகிறது.. 

Sunday, January 13, 2013

முத்தம்


எனக்கும் நிறுத்திக்கொள்ள ஆசைதான்
ஆனால்  எவ்வளவு கொடுத்தும்
உன் கன்னங்கள்தான் நிரம்ப மறுக்கிறது
என் முத்தங்களால்..


Saturday, January 12, 2013

கவிதை


உன் உதட்டு வெடிப்பு
கவிதைக் கீறல்..

காதல்


உன்னை பார்க்கும் போது
உள்ளேயே இரு என்று மிரட்டி பார்க்கிறேன்..
நீ இல்லாத போது ச்சீ தள்ளி போ என விரட்டி பார்க்கிறேன்

ம்ம்..ம்.. இந்த காதல் கேட்க மாட்டேன்கிறதே..

Thursday, January 10, 2013

நதி


நதியின் அலையாய் நான்..
நீ அள்ளினாய், உன் கடலில் மூழ்கினேன்..

பிசாசு


என் முத்தக்காட்டில் சுற்றித் திரியும் குட்டி பிசாசு நீ..

அலை



கரையிலிருந்து புறப்பட்டு கடலை தாக்கும் அலை நீ ...

Related Posts Plugin for WordPress, Blogger...
 

!♥♥ கோவி♥♥! © 2013.