இளைப்பாறிக்கொள்

பயணம் எதுவாக இருந்தாலும்
என்னில் இளைப்பாறிக்கொள்..

பாலைவனம்

இஷ்டம்போல் உன்
காற்று திரியும்
பாலைவனம் நான்..

வேர்

       

என் கண்களின் வேர்கள் நீ..

அழகு

வெயிலோ மழையோ
உன்னோடு எல்லாமே அழகுதான்..

கொள்ளைக்காரி

எங்கு சென்றாலும்
என் பார்வைகளையும்
உன்னோடு பிடுங்கிச் சென்று விடுகிறாய்..

காற்று

நீ எந்த திசைக்கு செல்கிறாயோ
அங்கு மட்டும்தான்
காற்றும் வீசுகிறது..

மந்திர மரம்

எதை கேட்டாலும்
காதலை மட்டும் தரும்
மந்திர மரம் நீ..

முத்தம்

உன்னுடன் பரிமாறிக்கொள்ள
 முத்தத்தை தவிர
வேறு எதுவும் என்னிடம் இல்லை..

பார்வை

இன்னும் எத்தனை அகராதியில் தேடுவது
 உன் பார்வையின் அர்த்தத்தை..

ஆறுதல்

எனக்கு ஆறுதலாய்
நீயிருக்கிறாய் என்பதாலே
நான் கஷ்டங்களை
தேடி தேடி ஏற்றுக்கொள்கிறேன்..

சிற்பம்

உன் பார்வையில்
துண்டாடப்பட்ட
சிற்பம் நான்..

இரகசியம்

நீ மட்டுமே அறிந்த இரகசியம் நான்..
நான் மட்டுமே அறிந்த இரகசியம் நீ..

வேண்டுதல்

இறைவனிடம் வரம் கேட்பேன்..
நான் தொடுவதெல்லாம் நீயாக வேண்டும்..

உனக்கென்ன?

உனக்கென்ன? ஓரப் பார்வையிலும்
 சிறு புன்னகையிலும்
 சென்று விடுகிறாய்
 நானல்லவா அலை தாக்கும்
கரையாகிறேன்..

பயணம்

உன் கை பிடித்து நடக்கும்போது

 சூரியனையும் கடந்து போய் விடுகிறேன்.. 

கனவு

என் இரவு தூக்கங்களில்
என் கண்களை கிள்ளி விளையாடும்
கொடுமைக்காரி நீ..

உணவு

நீ எனக்கு தரும்

 உன்னை பற்றிய

 சிறு சிறு பரிமற்றங்கள்தான்

என் கனவு உணவின் பேரிரை..

பார்வை

உன் பார்வையும் என் பார்வையும்
சங்கமிக்கும் பொழுது
கடல் மூழ்கிவிடுகிறது..

நீயும் காதலும்

நான் என்ன எழுதினாலும்

 நீயும் காதலும்

 அதில் எங்கேனும் 

வந்துவிடுகிறீர்கள்..

எனக்குள் நீ

மேகங்களினூடான மழைத்துளிபோல்
நீ எனக்குள்..
நீ என்னை விட்டு பிரிகையில்
நானும் மறைந்து போகிறேன்..

நெருப்பு

எப்படியும் எனக்குள்
நெருப்பை பற்ற வைத்து விடுகிறாய்
நீ அடுத்தவனுடன்
பேசும்போது..

நீ

எதுவுமே இல்லாத வெறுமையாய்
தோன்றும்போது  நீ வந்து
என் மனசுக்குள்
சாய்ந்து கொள்கிறாய்

காலந்தின்னி

 
என் நேரங்களை மொத்தமாய்
உன் நினைவுகளே
தின்று விடுகிறது..

புன்னகை

எந்த ஒரு வார்த்தையும்
தராத ஆறுதலை
உன் சிறு புன்னகையில்
பெறுகிறேன்.. 

வெட்கம்

அடிப்பாவி..!!
உன் வெட்கத்தையெல்லாம்
இப்படி என் மீது
கொட்டிவிட்டாயே..
 

பார்வை

தட்டுத்தடுமாறி  எழுந்தாலும்
மீண்டும் உன் பார்வையில்
தடுக்கி விழுந்து விடுகிறேன்..

முத்தம்

முத்தங்களை தவிர வேறு 
என்ன உன்னை அழகாக்கும் ?

ஆசை

மழைக்கும் கூட
உன்னை கட்டிபிடித்துக்
கொள்ள  ஆசை..

அழகு

அழகாய் இருக்கிறாய் என்பதற்காக மட்டுமல்ல

அழகாகவும் இருக்கிறாய் என்பதற்காக உன்னை காதலிக்கிறேன்..

காற்று

உன்னை சுவாசித்தே
உயிர் வாழ்ந்து விடும்
இந்த காற்று..

முத்தம்

 
எனக்கு பிரிவு என்பது
மிகவும் வேதனையை தரும்..
தயவு செய்து
நம் உதடுகளை
பிரித்துவிடதே..

காதல்.

நமக்காக இத்தனை
காலம் வாழ்ந்தது காதல்..
இனி நம்மால்
வாழப்போகிறது இந்த காதல்..

இனிமை

ஒவ்வொரு முறை
உன் பெயரை உச்சரிக்கும் போது
என் பேச்சு இனிமையடைகிறது..

இரை

ஒரு குருவியைபோல்
காத்திருக்கிறேன்
உன் பார்வை
இரையை தின்பதற்கு..

மகிழ்ச்சி

நீ வெற்றிபெற்றால்
எவ்வளவு மகிழ்ச்சியோ
அதைவிட மகிழ்ச்சி
நான் உன்னிடம்
தோற்கும்போது..

திசைமானி

என் திசைமானி
நீயிருக்கும் இடத்தை
மட்டுமே காட்டுகிறது..

உன் பேச்சு

எங்கே கற்றுக்கொண்டாய்
வார்த்தைகளால் ஓவியம் வரைய..

முத்தம்

சத்தம் வராமல்
முத்தம் தர சொல்கிறாய்..
உனக்கு தந்துவிட்ட
சந்தோஷத்தில் முத்தம்தான்
சத்தமிடுகிறது..

வாசம்

உன் சுவாசம் பெற்றே
மனம் வீசுகிறது பூக்கள்..

அழகு

உன்னுடன் நிற்கும்போது
என் நிழலும்
அழகாய்த் தெரிகிறது..
எப்படி உடை அணிந்து சென்றாலும்
உன்னுடன் செல்வதுபோல் அழகில்லை..

பார்வை

தயவு செய்து சூரியனை கண்கூசச் செய்யாதே ..

பூவும் புன்னகையும்

பூக்களை பறித்துக்கொண்டு
புன்னகைகையை விட்டுச் செல்கிறாய்..

மணித்துளி

என் ஒவ்வொரு வினாடியும்
உன்னை நோக்கியே
நகர்கிறது..

அருவி

எங்கெங்கோ இருந்து
ஓடி வந்து விழுகிறது அருவி
எந்த ஒரு சிறு காயமுமின்றி
எப்படியோ அதன் வழியில் சென்று விடுகிறது..

வலி

இலையினை கடிக்கும்
புழுவாய் நான்..
செடியின் வலி புரிகிறது,
குருவியால் நான்
கொத்தப்படும்பொழுது..

புன்னகை

தெரிந்தும் தெரியாமலும்
மறந்துபோன புன்னகையை
திருப்பித்தருகிறது
குழந்தையின் சிரிப்பு..

விளையாட்டு

எங்கெங்கோ ஓடி
ஒளிந்து கொள்ளப் பார்க்கிறேன்
ஆனால் எப்படியும் என்னை பிடித்து
உனக்குள் ஒளித்துக்கொள்கிறாய்..

அழகாக்கு

யாரோ களைத்துப் போட்ட புத்தகங்களையெல்லாம்
அழகாய் அடுக்கிவைக்கிறாய்
நீ கலைத்துப்போட்ட
என் மனதை மட்டும்
கன்டுகொள்ள மாட்டேன்கிறாய்..

பூங்கொத்து

பூங்கொத்தை பார்த்து
அதிசியிக்கிறாய் நீ ..
உன் முகத்தில்
மலரும் பூக்களை பார்த்து
அதிசியிக்கிறேன் நான்..

வறட்சி

நிர்வாணமாய் மரம்
வெறித்துப் பார்க்கிறது
வானம்..