முத்தம்

மழை நாளில் ஒரு சமயம் தேநீர் இதழ்களாய் வந்தாய்..
சுவாச சூடு பரப்பிகொண்டிருந்ததை மெல்ல கைகளில் ஏந்தி பருக துவங்கினேன்..
சட்டென சுட்டதாய் விலகி சென்றாய்..
கை தவறி உடைந்த தேநீர்க் கோப்பையாய் சிதறி போனது முத்தம்..

முத்தம்

அதிக வட்டிக்கு ஆசைப்பட்டு கொஞ்சம் அதிகமாகவே  கொடுத்துவிட்டேன். இப்போது அசலைகூட திரும்ப பெற முடியாமல் தவிக்கிறேன் # முத்தம்

கவன ஈர்ப்பு

உனக்கான கவன ஈர்ப்பு போராட்டத்தில் தொலைந்து போனேன் நான்..

அழகு

ஒப்பனையற்ற அழகு உனது புன்னகை..

"ம்"

"ம்" என்று இதழ் பிரியாமல் பதிலளிக்கிறாய். உன் இதழ்  தொட்டு வராத சொற்கள் கூட இனிமையாயில்லை...

எட்டாவது வண்ணம்

தினமும் வானவில்லுடன் வருகிறாய், புன்னகையில் பிரித்து வெட்கத்தில் குழைத்து எட்டாவது வண்ணம் பூசி செல்கிறாய் என்மீது.

எதுகை மோனை

எதுகை மோனை சரியில்லையெனினும் அழகுதான்
உன் தெத்துப்பல்.

பாட்டி சொல்லாத கதை.

தப்பு பண்ணினா சாமி கண்ண குத்தும்
என சொல்லி கொடுத்த பாட்டி
காதலித்தால், தேவதை
மனசை குத்தும் என சொல்லிகொடுக்கவில்லை.

சாப்பிட்டியா?

எப்படி பசிப்பது அலுத்துப் போகவில்லையோ
அதுபோல்தான் "சாப்பிட்டியா?"  என
 தினமும் நீ கேட்பதும் அலுத்துப்போவதில்லை.. 

வேண்டுதல்

உன் வேண்டுதல்களில்
நான் யாகமாகிறேன்.

நீ

காற்றையும் உருக்கத் தெரிந்தவள்
நீயாகத்தான் இருப்பாய்.
     
            *****

என் ஈற்றடி
உன் இதழடி.

நியாயமா?

பூங்காவில் அமர்ந்திருந்தோம்..

மரங்கள் பூக்களை தூவியது உன்மேல்.

புற்கள் எல்லாம் முத்தமிட்டது உன் பாதங்களுக்கு.. 

எறும்புகள்கூட உன் மீது விழுந்தே  ஊறி சென்றது..

"ம்.. சும்மா இரு." என்று என் கைகளை மட்டும் 

தட்டி விடுகிறாயே..

நியாயமா?  

எதை வீசி  எனை ஆட்டமிழக்கச் செய்தாய்?     

       

நீ நான்

என்னில் நீ ஏற்படுத்திய சுழலில்
என்னை நானே மூழ்கடித்துக்கொள்ளும்
வினோத நதி நான்..
       
          **************
நிலவு பொழியும் மழை நீ.

பூக்கள்

பூக்களெல்லாம் பறித்துக்கொள்கின்றன உன்னை..

அடியாள்

மரணத்தின் அடியாள் நீ..

திருவிழா

நீ கோவிலுக்கு வரும்போது,
சாமி தனக்குத்தானே
திருவிழா எடுத்துக்கொள்கிறது..

முத்தம்

இன்னும் இந்த இரவு மிச்சம் வைத்திருக்கிறது

நம் இருவருக்குமான முத்தத்தை..

கவிதைகள்

வழி நெடுகிலும் கவிதைகள்..

ஒவ்வொன்றிலும் நீ..

நீ

நீ தினமும் கோவிலுக்கு

தேங்காய் பழம் கொண்டு செல்வதால்

ஊரில் தக்காளி, கத்தரி செடிகள் கூட 

தேங்காய் பழம் காய்க்க ஆரம்பித்துவிட்டது..