பிரிவு

ஒவ்வொரு நாளும் உனை காணும் வரை
எனை சுட்டுக்கொண்டேயிருக்கும்
முன்தினம் கடைசியாய் பார்த்த பொழுது
"டேய்... போகனுமா?" என்று 
நீ என்மேல் சிந்திய கண்ணீர்த்துளி...

நீ

காற்றையும் உருக்கத் தெரிந்தவள்
நீயாகத்தான் இருப்பாய்.
     
            *****

என் ஈற்றடி
உன் இதழடி.

முத்தம்

மூச்சிரைக்கும் நம் பேருரையின்
கடைசி புள்ளியாய்
இந்த முத்தம்... 

பூ

இதுவரை பூத்த பூக்களையும்
இனிமேல் பூக்க போகும் பூக்களையும்
ஒன்றாய் சேர்த்தால்கூட உன் போல் வராது..