முத்தம்

மழை நாளில் ஒரு சமயம் தேநீர் இதழ்களாய் வந்தாய்..
சுவாச சூடு பரப்பிகொண்டிருந்ததை மெல்ல கைகளில் ஏந்தி பருக துவங்கினேன்..
சட்டென சுட்டதாய் விலகி சென்றாய்..
கை தவறி உடைந்த தேநீர்க் கோப்பையாய் சிதறி போனது முத்தம்..

பொறுக்கி

தீண்டினால், "ச்சீ ... போடா பொறுக்கி" என்று  தள்ளி விடுகிறாய்.

சரி என்று  பேசாமல் தள்ளி நின்றாலும் முறைக்கிறாய். . 

அடக்கடவுளே.

கோவிலில் உன்னிடம் தன் பெயரை
அர்ச்சனை செய்ய சொல்லி
அடம் பிடிக்கிறது சாமி..

வன்மையாக கண்டிக்கிறேன்

பார்வையில் அணு ஆயதம்
புன்னகையில் அமில ஆயுதம்
இப்படி என்னுள் நீ நிகழ்த்தும்
படுகொலைகள் ஏராளம்..

இதை கண்டுகொள்ளாத உலக நாடுகளை
நான் வன்மையாக கண்டிக்கிறேன்..!

என்னுள்

வானொலி அறிவிப்பாளரின் குரல் போல்
வேகமாய் சென்று விடுகிறாய்.
காதல் தொடர்ந்து என்னுள்
ஒலித்துக்கொண்டே இருக்கிறது..

பூக்கள்

பூக்களெல்லாம் பறித்துக்கொள்கின்றன உன்னை..

நீ

பூக்களெல்லாம் உன் முத்தங்களே..
                         *******
ரகசியமாய் வந்து போன சாரல் நீ..

அடியாள்

மரணத்தின் அடியாள் நீ..

திருவிழா

நீ கோவிலுக்கு வரும்போது,
சாமி தனக்குத்தானே
திருவிழா எடுத்துக்கொள்கிறது..

முத்தம்

இன்னும் இந்த இரவு மிச்சம் வைத்திருக்கிறது

நம் இருவருக்குமான முத்தத்தை..

கவிதைகள்

வழி நெடுகிலும் கவிதைகள்..

ஒவ்வொன்றிலும் நீ..

தேன்.

தேன் சுரப்பி, உன் உதடுகள்.

உன் உமிழ் நீரிற்காய் சுற்றும் தேனீக்கள்..