முத்தம்

அதிக வட்டிக்கு ஆசைப்பட்டு கொஞ்சம் அதிகமாகவே  கொடுத்துவிட்டேன். இப்போது அசலைகூட திரும்ப பெற முடியாமல் தவிக்கிறேன் # முத்தம்

கவன ஈர்ப்பு

உனக்கான கவன ஈர்ப்பு போராட்டத்தில் தொலைந்து போனேன் நான்..

அழகு

ஒப்பனையற்ற அழகு உனது புன்னகை..

சிறை

உன்னைச்சுற்றி வட்டமிட்டு நான் சிறைபடுகிறேன் 

பொறுக்கி

தீண்டினால், "ச்சீ ... போடா பொறுக்கி" என்று  தள்ளி விடுகிறாய்.

சரி என்று  பேசாமல் தள்ளி நின்றாலும் முறைக்கிறாய். . 

"ம்"

"ம்" என்று இதழ் பிரியாமல் பதிலளிக்கிறாய். உன் இதழ்  தொட்டு வராத சொற்கள் கூட இனிமையாயில்லை...

எட்டாவது வண்ணம்

தினமும் வானவில்லுடன் வருகிறாய், புன்னகையில் பிரித்து வெட்கத்தில் குழைத்து எட்டாவது வண்ணம் பூசி செல்கிறாய் என்மீது.

முத்தம்

 உன் முத்தாக்க முகாமிற்கு
கொண்டுவரப்பட்டவன் நான்.    

பாட்டி சொல்லாத கதை.

தப்பு பண்ணினா சாமி கண்ண குத்தும்
என சொல்லி கொடுத்த பாட்டி
காதலித்தால், தேவதை
மனசை குத்தும் என சொல்லிகொடுக்கவில்லை.

சாப்பிட்டியா?

எப்படி பசிப்பது அலுத்துப் போகவில்லையோ
அதுபோல்தான் "சாப்பிட்டியா?"  என
 தினமும் நீ கேட்பதும் அலுத்துப்போவதில்லை.. 

நீ - நான்

உன் பெருவெளியின் சிறுதுளி நான்
என் சிறுதுளியின் பெருவெளி நீ 

நீ

கதவை உடைத்து உள்ளே வந்து  களவாடுபவனைக் கேள்விபட்டிருக்கிறேன்.
மொத்தமாய் களவாடிவிட்டு பின்னர் உள்ளே வந்து என்னை
கன்னா  பின்னாவென்று உடைக்கிறாயே
உன்னை யாரென்று சொல்ல?

உலகம் பெரிதுதான்.
இன்னும் என்னால்
உன்னை கடக்க முடியவில்லை. 

வேண்டுதல்

உன் வேண்டுதல்களில்
நான் யாகமாகிறேன்.

பிரிவு

ஒவ்வொரு நாளும் உனை காணும் வரை
எனை சுட்டுக்கொண்டேயிருக்கும்
முன்தினம் கடைசியாய் பார்த்த பொழுது
"டேய்... போகனுமா?" என்று 
நீ என்மேல் சிந்திய கண்ணீர்த்துளி...

முத்தம்

மூச்சிரைக்கும் நம் பேருரையின்
கடைசி புள்ளியாய்
இந்த முத்தம்... 

பூ

இதுவரை பூத்த பூக்களையும்
இனிமேல் பூக்க போகும் பூக்களையும்
ஒன்றாய் சேர்த்தால்கூட உன் போல் வராது..

பொறாமை

எப்படியெல்லாம் அந்த குழந்தையை கொஞ்சுகிறாய்
என்னை கிள்ளியாவது வையேன்... 

மறுபிறவி

"உன்னை கொல்ல போறேன் பாரு"

என்று என்னை கிள்ளி கிள்ளி 

சண்டையிட்டு உயிர்பிக்கிறாய்..

முத்தங்களால் சாகடித்து

 ஸ்பரிசங்களால் உயிர்பிக்கிறாய்..

முத்தம்

இதுதான் கடைசி கைப்பிடி சோறு என்று சொல்லி
குழந்தையை சாப்பிடவைப்பதுபோல
உன்னிடம் ஒவ்வொரு முறையும்
இதுதான் கடைசி முத்தம்
என சொல்ல வேண்டியதாகிறது.. 

முத்தம்

எனக்கும் நிறுத்திக்கொள்ள ஆசைதான்
ஆனால்  எவ்வளவு கொடுத்தும்
உன் கன்னங்கள்தான் நிரம்ப மறுக்கிறது
என் முத்தங்களால்..